NADOMAN (Basa Sunda)

Karya bersama santri: Al-Mujahidin, Dadaha, Kota Tasikmalaya

Assalamualaikum warohmatullohilakum 
Ilajami’imalikum wabarokatuhulakum 

Para wargi para ikhwan
Ku abdi nu tiluan
Bade ngaoskeun nadoman
Tentang penting pangajian

      Para santri para wargi
      Omat lamun eukeur ngaji
      Sing perhatikeun kiyayi
      Ulah kalah ngorek ceuli

Sabab ngaos teh pitulung
Supaya urang teu linglung
Boga elmu tangtu untung

Sangkan urang teu adigung

            Cara anu maca quran
            tapi henteu di tajwidan
            macana bari nundutan
            gadona undut-undutan

Teu cara mun nonton tivi
Sepak bola atau voli
Ninggalna meuni taliti
Apal artis hiji hiji

              Ieu zaman lucu isan
              Jalmi leuwih resep dandan
              Batan angkat ka pangaosan
              Ngagidig isin-isinan

Pami angkat ka festipal
Palami lami jeung awal
Ngaos mah uihna engal
Dasarna bujur aseupan

 
                Kacarita di hiji desa
                Masjid aheng jeung lalega
                Molompong euweh eusina
                Tinggal aki-aki dua

Sedengkeun jalma nu kafir
Henteu ngutamakeun ulin
Kana di ajarna rajin
Pikeun ngahancurkeun mukmin

            Pek kumaha ngalawana
            Sedeng duit henteu boga
            Nyakitu deui senjata
            Komo teu bisa nyieuna

Sedeng mun kafir ngaraja
Pasti ngaruksak agama
Moal lila hujan siksa
Eta kiamat ngarana

           Sabab kitu bapak bapak
           Salagi mampumah beunta
           Tinggal budak jeung istrina
           Pariksa bacaan solatna

Sabab lamun henteu kitu
Solat siga hayam nyatu
Siksa dina naraka tangtu
Oray macok kana hulu

                Sabab kitu dulur dulur 
                 Saislam saiman akur 
                  Hayu ngaji hayu tafakur 
                 Quran hadis masing masyhur

Sakitu bae nadoman
Mugi janten perhatosan
Nu saena yuk candakan
Banyolana mah liburan


(((((catatan kecil, Imtihan 2013)))))